Presidenca e Kosovës, ka reaguar ndaj gazetarit, Lirim Mehmetaj për shpifje ndaj presidentës së Kosovës, Vjosa Osmani.
Në njoftimin e Presidencës thuhet se kjo nuk është hera e parë që Mehmetajt tenton të manipulojë opinionin për shpifje.
Madje, presidentja do të ushtrojë padi për shpifje ndaj gazetarit në funksion të mbrojtjes së integrititeti personal dhe institucional.
“Rrjedhimisht, Presidentja Osmani do të ushtrojë padi për shpifje ndaj Mehmetajt në funksion të mbrojtjes së integritetit personal dhe institucional. Mehmetaj nuk ka asnjë provë të vetme për shpifjet e tij dhe nuk mund të ketë, sepse ato që ai deklaron janë shpifje me tendencë të denigrimit të Presidentes dhe familjes së saj. Njëkohësisht, e njoftojmë Lirim Mehmetajn se për çdo shpifje që bëhet ndaj Presidentes edhe në të ardhmen, do të marrë përgjigjen e duhur, nëpërmjet rrugëve ligjore”, thuhet në reagimin e Presidencës.
Ndryshe, sot Mehmetaj ka reaguar në Facebook në lidhje me deklarimin e Osmanit për një mandat të dytë si presidente.
Ai ka thënë se Osmani është një prej personave që nuk ka dhënë gjë në politike dhe ka marrë gjithçka.
Sipas tij nga politika Osmani ka marrë pozita, pasuri shumë të madhe dhe jetë të mirë për tri breza të ardhshme të familjes dhe se ajo nuk numëron asnjë arritje të vetme.
Tutje, ai ka thënë se Osmani dhe burri i saj janë të zhytur thellë në biznese të dyshimta në Kosovë e Shqipëri./teve1.info/
