Këtë vit darkën tradicionale, të njohur si “Darka e Lamës” presidentja, Vjosa Osmani vendosi ta shtrojë në kampin e njësive speciale “Enver Zymeri” në Mitrovicë.
Ani pse ishin të ftuar të gjithë zyrtarët e Njësive Speciale, disa prej tyre refuzuan një ftesë të tillë. Sipas burimeve të Tëvë1, ky bojkot erdhi si shenjë revolte ndaj mospërmbushjes së kërkesave të tyre.
Por nga Presidenca e kanë mohuar një gjë të tillë, duke thënë se pjesa tjetër që nuk ka qenë prezent ka qenë në krye të detyrës.
“Ka qenë aktiviteti i cili i është dedikuar policëve të rënë në detyrë. Prezentë kanë qenë familjet e të gjithë policëve të rënë në detyrë dhe qindra policë nga disa njësite”, ka thwnw Kupina pwr Twvw 1
Televizioni ka kontaktuar edhe Zyrën për Informim të Policisë së Kosovës, por që nuk kanë pranuar të komentojnë këtë rast, pasi vlerësojnë se pjesëmarrja në këtë ngjarje të organizuar nga Presidenca nuk ka qenë obligative, por vullnetare.
E deputetja e Partisë Demokratike të Kosovës, Ganimete Musliu po e sheh të arsyeshëm këtë refuzim të këtyre zyrtarëve.
Iniciuesja e projektligjit për pensionim e parakohshëm të policëve foli edhe për mosvotimin e rezolutës së propozuar nga ta për përkrahjen e këtij institucioni.
Ndërkaq edhe eksperti i sigurisë, Hajrullah Tërnava vlerëson se duhet sa më parë të gjithë zyrtarëve policorë t’u plotësohen kërkesat për shkak të rrezikshmërisë që ata kanë në punën e tyre.
Ndryshe, gjatë së enjtes në Kuvendin e Kosovës u thirr seancë e jashtëzakonshme për miratimin e një rezolute për mbështetjen e Policisë, por që e njëjta u bojkotua nga partia në pushtet, Lëvizja Vetëvendosje.
