Kupina përmes një postimi në Facebook, ka thënë se asnjëherë dhe në asnjë rast nuk i ka dërguar Osmani letër Bidenit në lidhje me këtë çështje.
“Presidentja Osmani asnjëherë dhe në asnjë rast nuk i ka dërguar letër Presidentit të SHBA-ve, Joe Biden, në të cilën thotë se do ta marrë me vete edhe Dua Lipën në takim”, ka shkruar Kupina.
Sipas tij, të gjitha letrat e Osmanit dërguar Bidenit janë publike.
“Të gjitha letrat e Presidentes dërguar Presidentit Biden janë publike dhe ato asnjëherë nuk e kanë pasur një përmbajtje të tillë. Prandaj, raportimet e tilla nga disa mediume, janë të pavërteta”, tha Kupina. /teve1.info/
