Një ditë para fillimit të Epopesë së UÇK-së në Prekaz, mijëra fëmijë u panë pranë kompleksit memorial “Adem Jashari” në këtë fshat të Skenderajt. Nxënësit u shprehën mjaftë të lumtur që patën rastin ta shohin nga afër vendin ku 26 vjet më parë dhjetë moshatarë të tyre ranë heroikisht për lirinë e vendit. E këtu nuk munguan as vjershat, këngët e programet e përgatitura enkas për këtë vizitë.
Bankat shkollore i lanë të hënën.
E për pak minuta, në terren këta fëmijë do ta shohin atë që e mësuan në orët mësimore.
Janë këta nxënësit e shkollave të ndryshme të Kosovës, që të hënën vizituan kompleksin memorial “Adem Jashari” në Prekazin.
Krejt kjo për të parë nga afër, vendin ku 10 moshatarë të tyre ranë heroikisht për lirinë e vendit.
Prandaj këtu, nuk kishin si të mungonin veshjet ushtarake me emblemën e UÇK-së.
E as flamuri kuq e zi dhe ai i Kosovës nuk mungoi.
Sakrifica heroike e familjes Jashari, nuk është histori e panjohur për të vegjlit.
Madje, mirë i dinë edhe tekstet e këngëve patriotike.
Para kullave të Jasharëve, të hënën nuk mungoi as betimi i ushtarëve të Forcës së Sigurisë së Kosovës.
Por, as programet e përgatitura nga nxënësit për vizitën në Prekaz.
E disa të tjerë, u kujdesën që vizita këtu të mos harrohet lehtë.
Mësimdhënësit thonë se nxënësit këtë vizitë e pritën me padurim.
Shkak për këtë, sipas tyre është kureshtja e madhe për të mësuar atë që ndodhi këtu 26 vjet më parë, është e madhe.
Kjo vizitë e nxënësve në Prekaz, erdhi një ditë para shënimit të Epopesë së UÇK-së.