E ngarkuara me punë e ambasadës të ShBA-së, Anu Prattipati është takuar sot me kryetarët e Mitrovicës së Veriut, Zveçanit, Zubin Potokut dhe Leposaviqit, si dhe me përfaqësues të shoqërisë civile të serbëve të Kosovës në veri të vendit
Prattipati ka theksuar pritjet e ShBA-së për qeverisje transparente dhe efektive, ofrim të barabartë të shërbimeve dhe rëndësinë e angazhimit me institucionet e sigurisë publike.
“E ngarkuara me punë Anu Prattipati u takua sot me katër kryetarët e sapoemëruar të komunave të Mitrovicave të Veriut, Zveçanit, Zubin Potokut dhe Leposaviqit, si dhe me përfaqësuesit e shoqërisë civile serbe të Kosovës në veri të Kosovës. Ajo theksoi pritjet e SHBA-së për qeverisje transparente dhe efektive, ofrim të barabartë të shërbimeve dhe rëndësinë e angazhimit me institucionet e sigurisë publike të përkushtuara për t’i shërbyer të gjitha komuniteteve”, thuhet në postimin e ambasadës amerikane./teve1.info/
