Para se të nis seanca për konstituimin e Kuvendit, disa deputetë u panë të diskutojnë mes vetë në sallën plenare.
E ai që u pa në disponim ishte deputeti nga radhët e Vetëvendosjes, Hekuran Murati.
Ishte pikërisht ky emër që u propozua si kandidat për kryeparlamentar nga Lëvizja Vetëvendosje.
Propozimin e bëri deputetja Donika Gërvalla nga Guxo – pjesë e koalicionit parazgjedhor me LVV-në.
“Sot e kemi një propozim të ri, propozimi i subjektit të 9 shkurtit pra i koalicionit, Lëvizja Vetëvendosje, partia Guxo dhe Alternativa, për kryetar të Kuvendit, është deputeti i Republikës, dhe ministri në detyrë i financave, Hekuran Murati”, tha Gërvalla.
Gërvalla tha se ky propozim vjen sipas saj, pas të arriturave që ka bërë Murati në ministrinë e financave.
“Hekuran Murati ka bërë një punë të shkëlqyeshme, si ministër i financave punës dhe transferove, në periudhën 2021-2025 është e gjatë lista e të arriturave të tij në këtë funksion, por më lejoni të përmend disa sosh: ka mbuluar shtesat për fëmijë, dhe brenda të njëjtit mandat ka dyfishuar e trefishuar shumën e përfitimeve, ka futur mbulimin universal me pagesat për lehona ka siguruar katër herë rritje të pagave për sektorin publik është rritur paga minimale, nga 130 respektivisht 170 në 350 euro”, tha ajo.
As ky propozim i Lëvizjes Vetëvendosje.
Kundër votuan, PDK, LDK dhe Lista Serbe, ndërkaq abstenuan Nisma.
Përveç tyre për herë të parë abstenuan edhe tre deputetë të AAK-së.
Seanca e radhës është thirr me 24 gusht 2025.
