Dita e punës nis herët për Vehbi Mjekun në Milloshevë të Obiliqit.
Për këtë, gati i ka edhe pajisjet për punimin e tokës.
Por, këtë pranverë kosto për lëvizjen e tyre është rritur.
Krejt kjo pas rritjes së çmimit të naftës në Kosovë.
“Qeky far çmimi shkaku i luftës, besoj që ka me ndiku në punën e tokës po dashtë Zoti ministria e bujqësisë e lëshon dorën pak të bujqit. Ende sa i përket bujqësisë nuk kemi ble me çmim të ri po duhet tash të fillojmë së është sezona e të mbjellave”, shprehet Vehbi Mjeku-bujk.
Mjeku punon mbi 14 hektarë tokë, por siç thotë ai për një hektar i nevojiten 30 litra naftë.
“Unë i kam 14 hektarë e gjysmë krejt i punojë normal në patate ka me pas ndikime me plehra e me gjitha po nëse qeveria na ndihmon besoj se ja dalim së bashku. Një hektar minimumi është 30 litra, veç një punë me kry e tani është plus freza, plus me mbjell veç pa 200 euro s’mund e kryn”, thotë ai.
E me të njëjtën sfidë po përballet edhe Sani Koskoviku në fshatin Barilevë të Prishtinës.
“Po ndikon se gjithë e kemi marrë 1,10 ose 1,15 euro litrën e tash është bo 1,86. Po ndikon shumë se jo pak se na krejt me naftë i punojnë shembull me i frezu me i levru, me i mbjell deri tek arat me shku duhet me naftë me shku. Dikund më së pakti 1000litra gati a 700-800 na kanë shku veç për me i mbjell patatet”, thotë Sani Koskoviku- bujk.
E sipas ekspertit të bujqësisë, Fatmir Selimi, kjo rritje e çmimit të naftës nuk prek vetëm punën në tokë, por ndikon në të gjithë zinxhirin e prodhimit.
“Në këtë periudhë kohore që po ndodh dmth rritja e çmimit të naftës ka me ndiku normalisht edhe ne mundësinë e bujqve qe me mbjell sipërfaqen të cilat i kanë të parapame kjo me ndiku në krejt koston e prodhimit të produkteve bujqësore kjo ndikon edhe në rritjen e çmimit të farave të cilat importohen nga ana e jonë ndikon gjithashtu edhe në çmimin e ushqimit që importohet e cila varet kogja shumë nga importi e në të njëjtën kohë duke qenë se ne e marrim naftën prej dika edhe në këtë mënyrë kjo ndikon në kosoton e prodhimit pra kjo është një mënyrë zingjirore”, shprehet Fatmir Selimi-ekspert i bujqësisë.
Ndryshe, Ministria e Industrisë, Ndërmarrësisë, Tregtisë dhe Inovacionit (MINTI) njofton se çmimet maksimale të lejuara për derivatet janë 1.86 euro për një litër naftë dhe 1.49 euro për atë të benzinës.
