Konsulenti politik Xhevdet Pozhari ka deklaruar se në rrethanat aktuale politike, më e mundshme është që Lëvizja Vetëvendosje të hyjë në koalicion me Partinë Demokratike të Kosovës (PDK), sesa me Aleancën për Ardhmërinë e Kosovës (AAK) të Ramush Haradinajt.
Në emisionin “Këndi i Debatit” në Teve1, Pozhari tha se që nga 15 prilli ka munguar vullneti politik për formimin e institucioneve, ndërsa marrëveshjet mes partive mbeten përgjegjësi e vetë subjekteve që kanë kërkuar votën e qytetarëve.
“Kemi qenë të interesuar që prej 15 prillit të formohen institucionet. Çështjet e marrëveshjeve janë çështje të partive që duhet t’i zgjidhin vetë, sepse kanë kërkuar besimin e qytetarëve. Nisma nuk do të guxonte të rrezikonte shkuarjen në zgjedhje, sepse ata gjithçka e kanë reduktuar. Fatmir Limaj duhet të tregojë përvojën e tij politike dhe të bëhet pjesë e qeverisë”, tha Pozhari.
Duke folur për skenarët e mundshëm të krijimit të qeverisë së re, ai tha se më VV-ja më parë bën koalicion me PDK-në sesa me kryetarin e AAK-së Ramush Haradinajn.
“Nuk e shoh në këto rrethana. Më parë e shohë VV-në në koalicion me PDK-në, sesa me Haradinajn. Do e shohim në ditët në vijim. Ani pse Kurti nuk e ka përmendur”, tha ai.
Pozhari theksoi se zhvillimet e ardhshme politike do të qartësohen pas përfundimit të procesit zgjedhor të së dielës. /teve1.info/
