Konsulenti politik, Xhevdet Pozhari, thotë se situata tashmë është më e lehtë që votuesi serb të përcaktohet për të votuar.
Pozhari thotë se edhe pse në fazë të brishtë e të hershme kjo mund të vërehet.
“Logjikshëm sot edhe pse është në fazë të brishtë të hershme të thuhet përfundimisht, por situata është më e lehtë për votuesin serb që të përcaktohet, e më pas bindjet ideologjike të tyre janë ato të cilat janë”, tha ai në emisionin “Këndi i Debatit” në Tëvë1.
Madje, ai tha se tashmë në veri po mbizotëron një nismë e mirë për pluralizëm.
“Vazhdimisht kushdo që ka dalë ndryshe prej vullnetit të partisë në pushtet në Serbi është përballur me kërcënime nga më të ndryshmet, madje edhe me humbje të jetëve, kështu në fakt fatkeqësisht ka deklaruar e kaluara. Po shkojmë drejt një nisme të mirë për pluralizëm atje. Mirëpo, kjo në masë të madhe do të varet se kush do t’i fitojë zgjedhjet”, deklaroi Pozhari./teve1.info/
