Kreu i LDK-së Lumir Abdixhiku ka thënë se LDK pritet t’i shtojë plot 80 mijë vota; e kapërcimi prej 12 në 20% do të vërtetohet si arritje e jashtëzakonshme.
E ketë deklaratë të Abdixhikut, analisti Xhevdet Pozhari e ka quajtur të pasaktë pasi siç tha ai në zgjedhjet e fundit LDK ka marrë 13 % e jo 12% siç ka deklaruar kreu i LDK-së.
Ai tha se kur kryetari i një partie bënë një deklarim të tillë atëherë ai e ka hallin për pozicionin e tij.
“Tek z.Abdixhiku unë po e shoh këtu një hile që thotë prej 12 në 20 %. Në zgjedhjet e fundit LDK-ja ka qenë 13 % dhe aktualisht është 17%. Prapë është e pasaktë. Me numërimin e votave të diasporës ka mundësi që ky 17% aktual të bie në 16%…Kur e bënë një kryetar i një partie këtë atëherë flet sa e ka hallin për pozicionin e tij sepse nëse do të dalë LDK në fund të këtij procesi jo vetëm e treta po me 16 % atëherë më të drejtë dikush mund të thotë se ti z.kryetar është mirë me jap përgjegjësi”, ka thënë ai në emisionin “Këndi I Debatit” në Tëvë1.
