Analisti, Xhevdet Pozhari ka thënë se gjuha më e butë që po e përdori kreu i AAK-së, Ramush Haradinaj ndaj kryeministrit Kurti që prej fillimit të fushatës zgjedhore ka një arsye.
Sipas tij, Haradinaj nuk ka ndryshuar mendim, por e ka parë që ajo gjuhë nuk po kthehet në votë.
“Nuk mendoj që është zbutë shkaku se ka ndryshuar mendim, por e ka pa që ajo nuk po kthehet në votë në elektorat. Në masë ajo nuk është pranu, sepse është sulmuar Kurti kryesisht për çështjen e veriut që ka qenë një ndër pikat më të forta të kësaj qeverie”, ka thënë Pozhari në emisionin “Këndi i Debatit” në Tëvë1.
Kreu i AAK-së vazhdimisht ka akuzuar kryeministrin Kurti se po punon në favor të Serbisë, madje duke e quajtur edhe “argat të Serbisë”.
Ai këtë e ka thënë duke komentuar disa veprime të Kurtit, kryesisht në veri e që kanë ngjall reagime edhe nga ndërkombëtarët.
