Analisti, Xhevdet Pozhari ka thënë se disa qarqe nuk janë të interesuara të lejojnë Kurtin të bëhet sërish kryeministër dhe të vazhdoj Kurti 3.
Megjithatw, sipas Pozharit asnjë qeveri pa Albin Kurtin nuk mund ta zgjedh numerikisht presidentin apo presidenten e re të Kosovës.
Ai ka shtuar se është më i interesuar për një qeveri e cila nuk do të vihet në pikëpytje për sa i përket numrave kur të vie koha e zgjedhjes së presidentit.
“Nuk janë të interesuar disa qarqe që të lejojnë Kurtin të bëhet sërish kryeministër dhe të vazhdoj Kurti 3. Në momentin kur kemi pasur debate për koalicionet potenciale duan që të bëjnë një rigrupim sepse siç duket më tepër iu konvenon një qeveri që do të ishte fatale dhe e pasigurtë në kuptimin e numrave pa një jetëgjatësi, pa një të ardhme e opozitës në mënyrë që mos eventualisht ti bashkëngjitet një parti opozitare qeverisë së Kurtit. Unë mendoj se momenti që është zgjedhur nuk është i rastësishëm. Duke folur për një qeveri stabile që i duhet Kosovës sepse nëse ne po flasim edhe për situatë të sigurisë jemi duke folur edhe për aventura të rrezikshme në të cilat Kosova nuk guxon t’ia lejoj vetes të hyj. Unë jam më tepër i interesuar për një qeveri e cila nuk do të vihet në pikëpytje për sa i përket numrave kur të vie koha e përzgjedhjes së presidentit. Cdo qeveri pa Kurtin nuk mundet numerikisht ta zgjedh presidentin”, ka thënë ai në emisionin “Këndi i Debatit” në tëvë1.
