Portieri i Kombëtares së Kosovës, Arijanet Muriq po shijon moment shumë të mirë në fillim të këtij sezoni në Premier League, me fanellën e skuadrës Ipswich Town.
25-vjeçari në afatin kalimtar të verës iu bashkua Ipswichit të rikthyer në elitën e futbollit anglez, ndërsa ka treguar paraqitje të mira.
Muriq deri më tani ka gjashtë paraqitje në Premier League këtë sezon, ku në duelin me Brightonin ka arritur të mbajë portën e paprekur dhe të siguroj pikë për ekipin, duke u zgjedhur si më i miri i ndeshjes.
E këto paraqitje të portierit të Kosovës, kanë bërë që sajti i statistikave “Whoscored” ta zgjedh Muriqin si portierin më të mirë të kampionatit anglez deri më tani.
Muriq është vlerësuar me notën 6.97 duke lënë pas vetes portierët si Martin Dubravka e Andre Onana.
Portieri “dardan” ka kontratë me ekipin anglez deri në vitin 2028, ndërsa në Angli ka qenë edhe pjesë e skuadrave si Burnley, Manchester City e Nottingham Forest.
