Portieri i Al-Ahly, Mohamed El-Shenawy, është dënuar me katër ndeshje pezullim pasi goditi në kokë një gjyqtar, pas barazimit 1-1 ndaj Ceramica Cleopatra në Egyptian Pro League.
Reprezentuesi egjiptian, i cili ishte në stol në ndeshjen e së martës, u zemërua pasi Al-Ahly nuk fitoi një penallti për një prekje me dorë në minutat shtesë.
“Pezullim prej katër ndeshjesh dhe gjobë prej 50,000 paundësh egjiptianë (rreth 700 paundë) për sulm ndaj gjyqtarit me shtyrje ose tërheqje”, thuhet në deklaratën e ligës për dënimin e El-Shenawy.
37-vjeçari ishte portieri i parë i Egjiptit në Africa Cup of Nations 2025 dhe pritet të jetë pjesë e skuadrës së vendit të tij për Kupën e Botës këtë verë në Amerikën e Veriut.
Ai tani do të mungojë deri në javën e fundit të “play-off”-it të ligës, ku shtatë skuadrat më të mira përballen mes vete në fazën për titull.
Kampioni në fuqi Al-Ahly renditet i treti pas një ndeshjeje në “play-off”, me 41 pikë, pesë më pak se lideri Zamalek.
