Union Berlin po e përcjell me interes portierin e Kosovës, Arijanet Muric.
Të mërkurën “Sky Deutschland” ka raportuar se portieri Muric po kërkohet nga skuadra e Bundesligës, Union Berlin. Ekipi gjerman ka shprehur interesim për 24-vjeçarin, i cili është pjesë e Burnley, ekip që bën gara në Premier League.
Muric këtë sezon nuk e ka asnjë paraqitje në elitën e futbollit anglez dhe deri më tani, ka regjistruar vetëm dy ndeshje në Kupën e Ligës. Ai po shihet si përforcim i duhur për Union Berlinin, ekip që këtë sezon po paraqitet në fazën e grupeve të Ligës së Kampionëve.
Klubi gjerman po synon t’i sigurojë shërbimet e Muric në afatin kalimtar të janarit, ndërsa së shpejti do ta kontaktojë Burnleyn. Muric verën e shkuar iu bashkua Burnleyt dhe kartoni i tij vlerësohet mbi 3 milionë euro. Ai ka kontratë me ekipin anglez deri në vitin 2026.
