Marrëdhënia e Kosovës me Serbinë u pëmrend në një takim në Moskë, mes patriarkut të Kishës Ortodokse Serbe, Porfirije, dhe presidentit rus, Vladimir Putin.
Sipas mediave ruse dhe atyre pro-qeveritare serbe, kreu i KISHES shprehu mirënjohjen ndaj Rusisë dhe Kinës për mbështetjen e tyre lidhur me Kosovën, duke deklaruar “Nuk e di çfarë do të ndodhte me Kosovën po të mos ishin Rusia dhe Kina”.
“Duhet theksuar se ju jemi mirënjohës për mbështetjen dhe qëndrimin tuaj në lidhje me Kosovën dhe Republikën Serbe, e sigurisht edhe me Malin e Zi – aty është populli ynë dhe kisha jonë. Shumë mirë e dini se pa mbështetjen tuaj dhe mbështetjen e Kinës, nuk e di se çfarë do të kishte ndodhur me Kosovën”, tha ai.
Ai foli hapur për lidhjen e fortë që dëshiron ta mbajë Kisha Ortodokse Serbe me Rusinë, jo vetëm shpirtërore, por edhe politike e gjeostrategjike.
