Kombëtarja e Shqipërisë do të luajë ndaj Polonisë në gjysmëfinale të ‘play-off’-it për Botërorin 2026.
Pas shortit të hedhur në Cyrih të Zvicrës ka ardhur edhe reagimi i përzgjedhësit të Polonisë, Jan Urban i cili e konsideroi si short të mirë Shqipërinë.
“Nuk mendoj se duhet të ankohemi. Kemi short të mirë, jemi favorit në ndeshjen e parë. Nuk mund ta fshehim këtë. Ne duhet ta shfrytëzojmë avantazhin e stadiumit si vendas. Është e qartë se ne jemi favorit, por duhet ta respektojmë çdo ekip. Kemi përjetuar disa befasi, jo vetëm unë personalisht por edhe duke parë përfaqësueset e tjera”, tha Urban.
Ai e ka vlerësuar shortin si të mirë, duke insistuar se Polonia do të jetë plotësisht gati dhe e motivuar på7r “playu-off”.
“Duhet ta bëjmë këtë sepse kështu e kërkon situata. Jemi të fokusuar vetëm në ndeshjen e parë, pa e harruar analizën ndaj Ukrainës dhe Suedisë”, ka deklaruar Urban
