Si jo rrallë herë, edhe në zgjedhjet parlamentare të 9 shkurtit në Kosovë, presidenti i Serbisë, Aleksandër Vuçiq ndërhyri.
Ai përmes rrjeteve sociale iu bëri thirrje komuniteti serbë t’a votojnë Listën Serbe.
I aktivizuar ditën e diel për këtë kauzë ishte edhe kryeministri në detyrë, Millosh Vuçeviq.
Krahas këtyre thirrjeve, Beogradi zyrtar ka bërë edhe lëvizje në terren.
Politologu Ognjen Gogiq tregon që ka pasur serbë që kanë ardhur nga kryeqyteti serb për ta votuar Listën Serbe.
“Mënyra si Serbia është përzier në këto zgjedhje ka qenë duke organizuar serbët nga Kosova të cilët jetojnë në Serbi të vijnë e të votojnë këtu.
Sigurisht, ata janë qytetarë të Kosovës, kanë dokumente kosovare, dhe kanë të drejtë të votojnë. Por serbëve këtu u pengon që dikush që nuk jeton këtu, që nuk duan të kthehen këtu, të vendosin për fatin e atyre që jetojnë këtu.
Por problemi më i madh në krejt këtë është që atyre njerëzve që kanë ardhur nga Serbia u është thënë që duhet të votojnë për Lista Srpska.
Pra ata nuk kanë pasur lirinë e përzgjedhjes të vijnë e të votojnë me ndërgjegjen e tyre, por që të gjithë ata kanë marr instruksione të qarta që të votohet për LS-në. Dhe ata kanë ndikuar në rezultat.
Po të mos ndodhte kjo, po të mund të vendosnin vetë ata, mandatet do të ishin ndryshe.”
Kërcënime pati edhe brenda katër komunave veriore.
Nexhat Ugljanin kryesues i kuvendit komunal në Mitrovicë të Veriut, i cili vjen nga komuniteti boshnjak, thotë se të gjitha komunitetet u kërcënuan përmes telefonit për të votuar Listën Serbe.
“Ku janë bërë thirrjet përmes telefonatave por nuk janë vetëm ata, por janë edhe komunitetet tjera, rom, boshnjak, goran në pjesën veriore të cilët po kërcënohen për me votua Listen Srpska”, ka deklaruar ai.
Megjithëkëtë, procesi zgjedhor në katër komunat veriore ka shkuar pa incidente.
“ Kemi pas shumë verifikime të njerëzve që kemi bërë, kemi pas arrestime për arsyeje të tjera o për procesin zgjedhorë çdo gjë ka shkuar në rregull edhe sigurimi i qendrave të votimit edhe i qendrave të grumbullimit edhe sot vazhdojmë të jemi afër atyre ku bëhet numërimi i votave”, ka thënë zëvendesdrejtori për veriun, Veton Elshani.
Lista Serbe pritet t’i ketë 9 ulëse në Kuvendin e Kosovës ndërkaq 1 ulëse partia e Nenad Rashiq.
