Sindikata e Policisë së Kosovës ka reaguar pasi sot një zyrtare policore, gjatë kryerjes së detyrës zyrtare, ka pësuar lëndime të rënda trupore, pasi ajo bashkë me kolegët e sajë, në Lagjen Veterniku në Prishtinë, kanë tentuar ta ndalin një veturë, por shoferi i veturës qëllimisht e godet zyrtaren policore për t’i ikur kontrollit të policisë.
Kjo sindikatë ka kërkuar nga organet e drejtësisë që të të gjithë ata që po sulmojnë policinë të dënohet sipas Ligjit me rrethana rënduese, pasi sipas tyre sulmet ndaj tyre nuk po kanë të ndalur.
“Sot me datë 24.06.2023, një zyrtare policore, gjatë kryerjes së detyrës zyrtare, ka pësuar lëndime të rënda trupore të cilës i urojmë shërim të shpejtë. Ajo bashkë me kolegët e sajë, në Lagjen Veterniku në Prishtinë, kanë tentuar t’a ndalin një veturë, por shoferi i veturës qëllimisht e godet zyrtaren policire për t’i ikur kontrollit të policisë.
Lidhur me këtë rast, dënojmë ashpër këtë sulm ndaj Policisë së Kosovës, kurse nga organet e drejtësisë kërkojmë që të gjithë ata që sulmojnë Policinë , të dënohen sipas Ligjit me rrethana rënduese sepse sulmet ndaj policisë s’po kanë të ndalur!Ky sulm dhe shumë të tjera që kanë ndodhur deri me tani, tregojnë se secili zyrtarë policorë e ka të rrezikuar shëndetin dhe jetën, gjatë kryerjes së detyrës zyrtare”, thuhet në reagimin e tyre.
