Policia ka njoftuar se shoferëve B.SH dhe M.K u ka shqiptuar gjobë prej 300 euro, 3 pikë negative e gjashtë muaj masë mbrojtëse heqje e patentë shoferit, shkruan Tëvë1.info
Andaj Drejtoria Rajonale e Policisë në Ferizaj, ka apeluar tek shoferët e automjeteve që të respektojnë shpejtësinë e kufizuar të lëvizjes.
Komunikata e plotë:
Gjobë ndaj dy shoferëve dhe heqje e patentës në Ferizaj
Policia Rajonale e Komunakacionit Rrugor në Ferizaj, sot në mëngjes ka ndaluar dy shofer të cilët me automjetet e udhëtarëve shkaktuan kundërvajtje në komunikacion ‘’Tejkalim i shpejtësisë ‘’në rrugën ‘’Brahim Ademi ’’ në Ferizaj, ku në zonën e kufizimit 50 km/h zhvilluan shpejtësi 90 km/h.
Në lidhje me këtë policia ndaj shoferëve : B.SH (M/K) i moshës 22 vjeçar dhe shoferit tjetër me inicialet M.K (F/K) e moshës 39 vjeçare u shqiptoi nga një gjobë sipas ligjit të komunikacionit rrugor, 300 euro , 3 pikë negative dhe gjashtë muaj (6) masë mbrojtëse heqje e patentë shoferit. Të dy shoferët në tërësi i pranuan kundërvatjet e shkaktuara.
Me këtë rast, Drejtoria Rajonale e Policisë në Ferizaj, apelon tek shoferët e automjeteve që të respektojnë shpejtësinë e kufizuar të lëvizjes.
Veprimet e tilla rrezikojnë direkt jetën e pjesëmarrësve në komunikacion dhe fton qytetarët të bashkëpunojnë me policinë.
Për të gjitha kundërvajtjet që mund të shkaktohen në komunikacion të njoftojnëmenjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.
Të dhënat e juaja do të ruhen në konfidencialitet të plotë.
