Policia e Kosovës e ka shpallur në kërkim Mefail Shkodrën si të dyshuar për vrasjen e tre personave të dielën në Gjilan.
Përmes njoftimit, Policia ka kërkuar ndihmën e qytetarëve për lokalizimin e tij.
Të dhëna të tjera për të nuk janë bërë të ditura, pos që është publikuar një fotografi.
“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim të lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat. Policia e Kosovës, Drejtoria Rajonale Gjilan kërkon nga qytetarët dhe mediat që kushdo që ka informacion për vendndodhjen e personit në foton e bashkangjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001. Të dhënat e juaja do të ruhen në konfidencialitet të plotë”, thuhet në njoftim.
Tre persona janë vrarë e disa janë plagosur nga të shtënat me armë zjarri në Gjilan të dielën në mesditë, kanë konfirmuar autoritetet.
Në vendin e ngjarjes janë njësitet relevante dhe prokurori i shtetit.
Vdes edhe personi i tretë në Gjilan, i dyshuari vazhdon të jetë në arrati
