Policia e Kosovës ka gjetur dhe sekuestruar një sasi të armatimit në fshatin Vallaq të Komunës së Zveçanit, të fshehura në dy gypa të plastikës në një në një stallë kuajsh.
Zëvendësdrejtori i Policisë së Kosovës për rajonin e veriut ka thënë se pas pranimit të informatave se në këtë lokacion mund të ketë armë, policia ka reaguar ku ka gjetur, armë, municion granata dore dhe zolla.
Ai ka thënë se gjatë bastisjes prezent ishin përpos njësive adekuate policore edhe US-KFOR dhe njësi monitoruese nga EULEX.
“Në vendin e ngjarjes ka dalë edhe Prokurori i rastit. Janë zhvilluar edhe 2 bastisje të tjera në dy lokacione, një në Mitrovicë Veri dhe një në Zveçan me ç’rast kemi hasur edhe në jelek antiplumb, fishekë dhe 14 kartela grafike (kundërvajtje doganore).Në lidhje me këtë rast nuk kemi persona të arrestuar por e kemi një person me interes për intervistim. Me rastin është duke u marrë Prokuroria Themelore në Mitrovicë”, ka thënë ai.
