Policia gjatë ditës ka realizuar sot disa kontrolle në një shtëpi dhe objektet e saj përcjellëse në fshatin Lubishtë, komuna e Vitisë.
Gjatë kontrolleve PK-ja ka gjetur dhe sekuestruar rreth 500 kg duhan, të përpunuar e të papërpunuar dhe disa pajisje të tjera.
“Gjatë operacionit policor dhe kontrollit në atë lokacion janë gjetur dhe sekuestruar sasi e konsiderueshme e duhanit të përpunuar dhe të pa përpunuar (në fletë) rreth 500 kg, ambalazhe për paketimin e duhanit, një peshore dhe një grirëse e duhanit”, thuhet në njoftimin e PK-së.
Këto mallra dyshohet se janë kontrabanduar në rrugë ilegale.
“Mallrat të cilat dyshohet se janë kontrabanduar rrugëve ilegale nga Republika e Maqedonisë veriore në Republikën e Kosovës janë sekuestruar dhe së bashku me rastin me urdhër të Prokurorit i dorëzohen Doganës së Republikës së Kosovës për procedura të mëtejme”, thuhet në njoftimin e PK-së.