Policia e Kosovës në bashkëpunim me Doganën kanë parandaluar një rast të kontrabandës me mallra nga Serbia, përmes fshatit Breznisë.
Përmes një komunikate për media, Policia e Kosovës njofton se gjatë ditës së hënë, në hyrje të fshatit Novosellë të Kamenicës, është vërejtur një veturë me targa vendore, për të cilën, dyshohej se po kontrabandoheshin mallra nga Serbia.
“Gjatë kontrollit të automjetit i cili drejtohej nga H.Gj., (viti i lindjes 1972, mashkull kosovar), është vërejtur se i dyshuari kishte pasur të ngarkuar rreth 250 pako me argeta me nga 14 copë gjithsej 3500 copë për të cilat nuk kishte asnjë dokument dhe dyshohet se kanë prejardhje nga Serbia”, thuhet në njoftim.
Tutje bëhët e ditur se në lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli i kontrabanduar sekuestrohet dhe dërgohet në terminalin doganor-Dheu i Bardhë.
