Policia e Kosovës ka bërë të ditur se në dy raste të ndara ka parandaluar dhe sekuestruar mallra të kontrabanduar ku sipas vlerësimeve të tregut vlera totale e mallrave të sekuestruar në të dy rastet tejkalon shumën mbi 20,000 euro, ndërsa shmangia e detyrimeve doganore vlerësohet mbi 5,000 euro.
Parandalimi i këtyre mallrave është bërë më 13 gusht.
Në rastin e parë në rrugën Pozhoran–Sllatinë–Viti, njësitë policore kufitare kanë ndaluar një automjet të dyshuar për transportim të mallrave të kontrabanduara. Automjeti dyshohet se kishte hyrë nga RMV në drejtim të RKS.
“Gjatë kontrollit të automjetit është gjetur sasi e mallit për të cilin drejtuesi i automjetit nuk posedonte asnjë dokumentacion të rregullt doganor, si;• 3,000 copë produkt mishi i përpunuar (200 pako × 15 copë) – prodhim i Serbisë750 copë rrisk gjedhi (50 pako × 15 copë) – prodhim i Serbisë15,840 pako çokollata (110 pako × 8 copë × 18) – prodhim i Serbisë”, thuhet në komunikatë.
Ndërsa në rastin e dytë në rrugën Viti–Gerlicë, nga njësitë policore kufitare është ndaluar një tjetër automjet i dyshuar, ku pas kontrollit të tij është zbuluar një sasi e konsiderueshme farash të bardha dhe të zeza, të ambalazhuara në thasë.
“Si rezultat i veprimeve vijuese policore tek deopja e personit të dyshuar, është gjetur sasi shtesë e mallit për të cilin i dyshuari nuk kishte dokumentacion të rregullt”, ka bërë të ditur policia.
