Policia e Kosovës ka bërë të ditur se gjatë patrullimit në fshatin Korishë të Prizrenit, ka konfiskuar dy armë zjarri.
Në njoftim thuhet se, policia ka pasur dyshime se dy persona në një veturë mund të kenë armë dhe pas kontrollit janë gjetur armët, teksa të dyshuarit në brez kanë mbajtur armët, raporton teve1.info
“Me datë 25 Prill 2023, rreth orës 10:30, Patrullat policor të Njësisë së Reagimit të Shpejt të Prizrenit, gjatë patrullimit në fshatin Korishë, KK Prizren, pasi që kane pas dyshime se dy persona në një automjet mund të kenë armë ilegale, e kanë ndaluar atë automjet dhe pas që është bërë kontrolli i ngasësit dhe pasagjerit te të dy janë gjet armë zjarri-pistoleta. Të dy të dyshuarit në brez mbanin armë zjarri, bashkë me armë te të dyshuarit janë gjet edhe fishkë për armët e njëjta si dhe dy brisqe”, thuhet në njoftim.
Kundër të dyshuarve është filluar hetimi për veprën penale “Mbajtje në pronësi kontroll, posedim apo shfrytëzim ia pa autorizuar i armës”
Në konsultim me prokurorin e krimeve të rënda të dyshuarit lirohet dhe rasti hetohet në procedurë të rregullt.
