Policia e Kosovës ka njoftuar se ka sekuestruar armë dhe municione në Mitrovicë të Jugut.
Armët janë sekuestruar pasi policia ka zgjeruar hetimet për një rast të dhunës në familje ku kanë kryer bastisje në shtëpinë e të dyshuarit.
“Si rezultat i bastisjes, janë gjetur dhe sekuestruar:Pesë (5) armë të gjata;Një pistoletë me katër karikatorë;Katërqind e dyzet e shtat (447) fishekë të kalibrave të ndryshëm. Pas intervistimit, ndaj të dyshuarit mashkull kosovar, me aktvendim të prokurorit, është caktuar masa e ndalimit policor prej 48 orësh. Ndaj tije janë iniciuar raste për veprat penale “Mbajtje në pronësi kontroll ose posedim i paautorizuar i armeve’ dhe ” Dhunë në familje’”, thuhet nga njoftim.
