Në veriu e Kosovës, konkretisht në fshatin Banjskë dhe Lozhistë janë duke u realizuar bastisje nga Policia e Kosovës.
Kështu bëri të ditur për teve1.info zëvendësdrejtori i policisë për veriun e Kosovës, Veton Elshani.
Ai konfirmoi se po realizohen bastisje, por që nuk lidhen me sulmin terrorist të 24 shtatorit që ndodhi në Banjskë të Zveçanit.
Elshani nuk dha më shumë detaje, por theksoi se bastisjet lidhen me barrikadat e vitit 2022.
“Rreth orës 10:00 paradite kemi asistuar krimet e rënda në DPP. Në lidhje me barrikadat 20202”, tha ai.
Teve1.info ka kontaktuar edhe me Prokurorinë Themelore në Prishtinë, por të njëjtit akoma nuk kanë detaje./teve1.info/
