Policia e Kosovës ka njoftuar se gjatë 24-orëve të fundit ka konfiskuar 20 patentë shoferë, për shkelje të ndryshme të rregullave në trafik.
“Gjatë 24 orëve të fundit në këtë fushëveprim në nivel vendi janë realizuar 527 pika kontrolli të automjeteve, përderisa 20 shoferëve u janë konfiskuar patentë shoferët për shkelje të ndryshme të rregullave në trafik”, thuhet në njoftim.
Gjithashtu, Policia u ka bërë apel të gjithë shoferët dhe pjesëmarrësit e tjerë në trafik që të jenë vigjilent dhe t`i respektojnë dispozitat ligjore.
“Policia e Kosovës apelon tek të gjithë shoferët, por edhe pjesëmarrësit tjerë në trafik që të jenë vigjilent dhe gjatë pjesëmarrjes në rrugë të respektojnë dispozitat ligjore që burojnë nga ligji mbi trafikun rrugor, në mënyrë që secili të kontribuoj në zvogëlimin e statistikave të aksidenteve rrugore e në veçanti parandalimin e aksidenteve me pasoja fatale”, thuhet në komunikatë./teve1.info/
