Policia e Kosovës ka njoftuar se ka parandaluar një rast të kontrabandimit me mallra në veri të vendit.
Sipas njoftimit, policia gjatë patrullimit ka identifikuar një barkë lundruese në liqenin e Ujmanit, të cilën e kanë përcjellur, teksa në mes të rrugës kanë hasur në një veturë të braktisur me targa serbe e cila dyshohet se ishte ngarkuar me mallin që ndodhej në barkë.
“Gjatë kontrollit në veturë janë gjetur dhe sekuestruar mallra të ndryshme, si: telefona mobil (19 copë), cigare (830 pako) të llojeve të ndryshme, çanta, veshmbathje, mjete shkollore (lapsa,fletore, ngjyra, gërshërë etj), lodra për fëmijë, kozmetikë etj”, thuhet në komunikatë.
Teksa thuhet se “mallrat e sekuestruara do të trajtohen sipas procedurave të parapara, rasti do të trajtohet nga njësitet përkatëse policore të Drejtorisë Rajonale Policore Kufitare-Veri në koordinim me organet e drejtësisë dhe Doganën e Kosovës”./teve1.info./