Sipas një komunikate të lëshuar nga Sindikata e Policisë, kryesia e sindikatës është takuar me Njësitë Speciale të Policisë së Kosovës të cilat janë të vendosura në Kampin e Belvederes dhe Drejtorin Rajonal të Mitrovicës së Jugut, Kolonel Afërdita Mikullovci.
“Kryesia e Sindikatës së Policisë ka parë gjendjen reale dhe vetëmotivimin e lartë të njësive në zbatim të Ligjit dhe autorizimeve policore.
Kryesia e sindikatës i njoftoj zyrtarët policor për aktivitetet sindikale dhe gatishmërinë e sindikatës për përkrahje në ngritjen e mirëqenies dhe kushteve më të mira të punës.
Po ashtu, Sindikata e Policisë, mori përkrahje të fuqishme nga njësitë speciale për aktivitete sindikale për përmirësimin e kushteve dhe mirëqenies së pjesëtarëve të policisë”, thuhet në komunikatën e Sindikatës së Policisë.