Policia e Kosovës ka konfirmuar se ditë më parë është njoftuar për kërcënimin me vdekje të presidentes së Kosovës, Vjosa Osmani.
Në përgjigjen për Tëvë1 thuhet se sipas procedurave është njoftuar Prokurori i shtetit dhe është inicuar rast penal.
“Policia e Kosovës ditë më parë ka pranuar informacionin që ju i referoheni, sipas procedurave është njoftuar Prokurori i shtetit dhe është inicuar rast penal”, bëhet e ditur në përgjigjen e Policisë.
Këshilltari për media, Bekim Kupina të hënën ka njoftuar se presidentja Osmani është kërcënuar në emailin e Presidencës.
Ndërkaq, Zotëriu i Parë i Kosovës, Prindon Sadriu të martën ka reaguar përmes një postimi në rrjetin social Facebook, duke përmendur dhjetëra kërcënime të përsëritura dhe të drejtpërdrejta me jetë ndaj Osmanit dhe anëtarëve të familjes së saj.
Zotëriu i Parë reagon për kërcënimet ndaj Presidentes dhe familjes, akuzon se po heshtet për to
