Një 65 vjeçare është gjetur pa shenja jete të shtunën në lumin Lumbardh, në Pejë.
Sipas raportit 24-orësh të Policisë së Kosovës, janë nisur hetimet për të sqaruar rrethanat e vdekjes së saj.
Vdekjen e viktimës e konstatoi ekipi mjekësor në vendin e ngjarjes, ndërsa me urdhër të prokurorit trupi i pajetë u dërgua në Institutin e Mjekësisë Ligjore për obduksion.
“Raportohet se ne lumin Lumbardh është gjetur pa shenja jete viktima f/k rreth 65 vjeçare. Vdekjen e viktimës e ka konstatuar ekipi mjekësor. Me urdhër të prokurorit trupi i pajetë është dërguar në IML për obduksion”, thuhet në raportin e Policisë së Kosovës./teve1.info/
