Policia në Zveçan e gjen armatimin, granatat e municionin të fshehur nën dhe

Gjatë aksionit të sotëm, Policia e Kosovës ka gjetur në rrugën “Kralj Petri” në Zveçan tre kavanozë  të groposur në dhe, në të cilët kishte pasur uniforma ushtarake, armë AK47, granata dore dhe fishekë.

Fillimisht një bure është gjetur nga njësitet e DRP Mitrovicë Veri, e më pas nga Njësia për Trajtimin e Mjeteve Eksplozive janë gjetur edhe dy bure të tjera.

Dëshmitë të cilat janë gjetur dhe janë marrë nga Policia janë:

1. 4 granata M75
2. dy pushkë automatike AK 47
3. gjashtë karikatorë me municion të AK 47
4. një karikator i zbrazët
5. 156 fishek të AK 47
6. 179 fishekë të M48
7. një antiplumb ushtarak, me dy pllaka
8. tri palë pantallona
9. katër jakne ushtarake
10. dy jelekë taktikë
11. dy gas maska
12. dy çanta krahu ushtarake
13. 5 rripa ushtarakë të brezit
14. një maicë e zezë

Policia thotë se ky rast ka të bëjë me një person me interes për ta, e i cili dyshohet se ndërlidhet me rastin Bajnska./teve1.info/

Armët dhe uniformat ushtarake të Serbisë që Policia i gjeti në veri i takojnë rastit Banjska