Katër persona të dyshuar dërgohen në mbajtje, konfiskohet drogë në vlerë rreth 70 mijë euro, sekuestrohen dëshmi tjera relevante gjatë operacionit antidrogë
Katër persona janë arrestuar nga Policia e Kosovës, pasi që të njëjtëve iu është konfiskuar drogë në vlerë prej 70 mijë eurove.
Të arrestuarit dyshohen për “Blerje, posedim, shpërndarje dhe shitje e paautorizuar e narkotikeve”.
Lidhur me rastin është njoftuar Prokuroria dhe në vazhdën e operacionit policor është kontrolluar shtëpia e të dyshuarit me iniciale S.S., në fshatin Grekoc të Suharekës dhe gjatë kontrollit si prova/dëshmi materiale janë sekuestruar:
- Pesë paketime të mbushura me substancë të dyshuar narkotike e llojit marihuanë me peshë 50.600 Kilogram
- Një pushkë gjuetie dhe 30 fishek;
- Një diviar;
- Një veturë;
- Një telefon Samsung me kartela të operatorëve Vala dhe Ipko;
- Një peshore digjitale;
- Para të gatshme rreth 1 mijë e 425 euro;
- Një telefon Samsung;
- Një telefon Iphone XS;
- Një Telefon Nokia;
- Një veturë BMW.
Të dyshuarit e arrestuar janë intervistuar në prezencë të avokatit mbrojtës dhe me vendim të prokurorit të shtetit ndalohen për 48 orë për procedura të mëtejme ligjore./teve1.info/
