Drejtoria Rajonale e Policisë në Pejë ka bërë thirrje qytetarëve të tregojnë kujdes të shtuar gjatë ditëve të acarta, duke shmangur çdo veprim që mund të rrezikojë sigurinë në rrugë, trotuare dhe hapësira publike.
Në një komunikatë për media, Policia i bëri apel të veçantë pronarëve të autolarjeve që pastrojnë veturat, për të pasur kujdes në derdhjen e ujërave në rrugë dhe trotuare, pasi kjo mund të shkaktojë ngrica.
Sipas policisë, ngricat paraqesin rrezik serioz për trafikun dhe këmbësorët, duke rritur mundësinë e aksidenteve.
“Për këtë, në bashkëpunim me organet komunale, jemi të obliguar të ndërmarrim masa të shtuara kontrolli dhe të zbatojmë ligjin ndaj atyre që shkelin këto rregulla”, thuhet në komunikatë.
