Policia e Kosovës në Ferizaj, gjatë javës së kaluar ka realizuar 153 urdhëresa të gjykatës për vepra të ndryshme penale.
Policia ka bërë të ditur se do të vazhdojnë edhe ditëve në vijim me realizimin e urdhëresave ndaj personave që ende nuk i janë përgjigjur thirrjes së gjykatës.
“Policia Rajonale e Ferizajt në bazë të planit operativ realizimi i urdhëresave të Gjykatave Themelore, gjatë javës që shkoi, nga data 02-08/10/2023 ka realizuar 153 urdhëresa të gjykatave kompetente për vepra të ndryshme penale. Ftojmë qytetarët të bashkëpunojnë me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406”, thuhet në njoftim.
