Policia e Kosovës në Vushtrri ka ndëshkuar gjashtë shoferë për gara të kundërligjshme në trafikun rrugor.
Sipas njoftimit të Policisë, kundërvajtësit janë hasur në dy lokacione të ndryshme në Vushtrri, të cilët kanë qenë dukë bërë gara sportive me vetura duke penguar dhe rrezikuar edhe pjesëmarrësit tjerë në trafikun rrugor.
Policia ka bërë të ditur se shoferëve u janë shqiptuar gjoba prej 150 euro si dhe nga një pikë negative.
“Njësitet e policisë në kuadër të Stacionit Policor në Vushtrri, kanë identifikuar dhe proceduar me masa ndëshkimore ndaj gjashtë shoferëve për kundërvajtje në trafikun rrugor. Kundërvajtësit janë hasur në dy lokacione të ndryshme në Vushtrri, të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor. Kundërvajtësve u janë shqiptuar gjobat prej 150 euro, si dhe nga një (1) pikë negative”, thuhej në njoftim./teve1.info/
