Policia e Kosovës ka ndërhyrë të martën në palestrën sportive në Mitrovicën e Veriut, duke ndaluar zyrtarët komunalë që të largojnë karriget me ngjyra që simbolizojnë qytetin e Mitrovicës dhe t’i zëvendësojnë ato me karrige që simbolizojnë flamurin e Serbisë.
Zëvendësdrejtori i Policisë për rajonin e veriut, Veton Elshani, ka bërë të ditur për Tëvë1 se policia ka reaguar pas pranimit të informatave për zhvillimin e punimeve në sallën e sporteve dhe se situata është sqaruar.
“Sot në orët e pasditës policia ka pranuar informacion se po zhvillohen punime në sallën e sporteve në Mitrovicë të Veriut. Ne kemi shkuar aty për t’u njoftuar me situatën dhe çdo gjë është sqaruar. Nuk ka ndonjë problem për të theksuar”, ka deklaruar Elshani./teve1.info/
