Policia e Kosovës ka njoftuar se ka parandaluar një rast të kontrabandës në veri të Mitrovicës.
Sipas Policisë gjatë patrullimit në fshatin Bistricë kanë hasur në një kamion me targa vendore i cili po barte dru nga Kosova në drejtim të Serbisë.
Shoferi i kamionit bëhet e ditur se me të vërjetur policët ka ikur nga kamioni .
“Gjatë patrullimit në fshatin Bistricë kanë vërejtur një automjet transportues/kamion me targa vendore i cili ishte duke lëvizur nga Republika e Kosovës në drejtim të Serbisë. Personi i dyshuar posa ka vërejtur njësinë policore e ka braktisur automjetin duke e lënë atë të ndezur, dhe është larguar në drejtim të panjohur. Gjatë kontrollit të realizuar në automjet janë gjetur të ngarkuara lëndë drurore të cilat dyshohet se ishin të dedikuara për t’i dërguar në Serbi”, njofton Policia, përcjell teve1.info
Lidhur me rastin janë ndërmarrë të gjitha veprimet për procedura të mëtutjeshme hetimore, ndërsa automjeti i përfshirë në rast është dërguar në SPMK – Leposaviq.
