Në njoftimin e policisë bëhet e ditur se nga këta 18 persona, 11 prej tyre janë nga Siria, 6 nga Egjipti dhe një nga Iraku, përcjellë teve1.info.
“Të njëjtit kanë potencuar se në mënyrë të organizuar dhe të udhëhequr nga disa persona, përmes rrugëve ilegale nga Turqia, dhe shtete të tjera, përfshirë edhe Kosovën, kishin për qëllim shkuarjen në drejtim të vendeve të BE-së”, thuhet në njoftim.
Lidhur me rastin thuhet se janë angazhuar zyrtarë policorë nga Sektori i Hetimeve në kuadër të Departamentit për Kufi të cilët janë marrë me procedurat e nevojshme për trajtimin e këtij rasti.
Ndërsa bëhet e ditur se me urdhër të prokurorit kujdestar, ngasësi i automjetit është arrestuar dhe i njëjti është dërguar në mbajtje për 48 orë. Ndërsa shtetasit e huaj pas intervistimit nga Drejtoria për Migrim dhe të Huaj në Prishtinë thuhet se janë dërguar në qendër të azilit.
