Policia e Kosovës është duke zhvilluar aksion në veri të Kosovës në disa lokacione.
Kështu ka bërë të ditur për tëvë1.info, zëvendëskomandanti i Policisë së Kosovës për rajonin e Veriut, Veton Elshani, i cili tha se deri më tani nuk ka të arrestuar.
“Kemi bastisje në disa lokacione në veri. Ka të bëjë me rastin në Banjskë dhe deri me tani nuk ka ndonjë pengese është duke u zhvilluar qetë. Nuk ka te arrestuar deri më tani”, ka thënë Elshani.
Ndryshe ditë më parë policia ka kryer bastisje në tre lokacione në Mitrovicë të Veriut, tre në Zveçan dhe një në Banjskë.
Aksioni lidhet me sulmin terrorist të 24 shtatorit, ku një grup i armatosur serb sulmoi Policinë e Kosovës me ç’rast mbet i vrarë rreshteri Afrim Bunjaku.
Në aksionin e Policisë, dhjetëra sulmues të armatosur e uniformuar serbë u rrethuan në fshatin Banjskë, ku nga ky aksion tre sulmues u vranë, si dhe u kap edhe arsenal i madh armësh.
Përgjegjësinë për organizimin e grupit të armatosur e mori Millan Radoiçiq, ish-nënkryetar i Listës Serbe, i cili u lirua nga Gjykata e Lartë e Serbisë, një dië pas ndalimit.
Radoiçiq, dyshohet se ka kryer një sërë veprash si trafikim armësh dhe krime kundër sigurisë së përgjithshme./teve1.info/
Bastisjet në 7 lokacione në veri, Policia tregon armatimin e gjetur
