Policia e Kosovës ka kryer një aksion tjetër në ndërtesën “Vapirushat” në veri të Mitrovicës.
Kështu ka bërë të ditur për tëvë1, zëvendësdrejtori për rajonin e veriut, Veton Elshani.
Elshani ka thënë se në një apartament janë gjetur tre helmeta, tri zolla, një maskë gazi, jelek antiplumb dhe një çantë ushtarake.
“Më datë 07.05.2025, rreth orës 12:50, Sektori Rajonal i Hetimeve, përmes rrugëve operative, ka pranuar informacion se në rrugën Kralj Petri, tek ndërtesat e ashtuquajtura “Vampirush”, në hyrjen 2, në bodrum, ka armë. Për të parandaluar asgjësimin apo largimin e provave materiale dhe për shkak të rëndësisë së informacionit, menjëherë kemi shkuar në lokacion ku kemi gjetur 3 raketa hedhës krahu, 2 helmeta balistike ushtarake, 2 çanta ushtarake,1 gaz maske dhe 1 anti plumb”, ka thënë Elshani.
Ndërsa nga ky aksion të arrestuar nuk ka dhe policia është duke punuar në identifikim të të dyshuarit apo dyshuarve për këtë rast./teve1.info/
