Policia e Kosovës ka zhvilluar sot një bastisje në lagjen Gvozden në Zveçan, me ç’rast ka hasur në disa armë automatike, fishekë, granata dore dhe eksploziv.
Zëdhënësi i Policisë në Mitrovicë të Veriut, Veton Elshani ka bërë të ditur për teve1.info se lidhur me rastin ka të dyshuar, por ende nuk është arrestuar asnjë person.
Ai po ashtu theksoi se në vendin e ngjarjes janë edhe KFOR-i finlandez.
“Pas pranimit të informacioneve, sot hetimet rajonale të Mitrovica Veri kanë ndërhyrë në Zveqan, lagja Gvozden dhe ka zhvilluar bastisje. Gjatë kësaj kohe kemi has në disa armë automatike,fishekë, granata dore dhe eksploziv. Në vend të ngjarjes kemi EOD e Policisë së Kosovës dhe EOD e KFOR-it Findlandez”, theksoi ai. /Teve1.info/
