Policia e Kosovës ka arrestuar një person pasi gjatë kontrollit në shtëpinë e tij ka gjetur armë pa leje e substanca narkotike.
Siç thuhet në raportin ditor, tek i arrestuari janë gjetur dhe sekuestruar 14 fishekë, një peshore, 1 gram substanca të dyshuara narkotike të llojit marihuanë, 6 tableta të dyshuara ekstazi, dy telefon celularë dhe 14 riga, dëshmi të tjera dhe pajisje për prodhimin e kriptovalutave.
Më tej, policia njofton se i dyshuari pasi është intervistuar është liruar në procedurë të rregullt.
“POSEDIM I PAAUTORIZUAR I SUBSTANCAVE NARKOTIKE & ARMËMBAJTJE PA LEJE Rr. Vllade Cetkovic Zveçan 04.02.2024 – 16:00. Është arrestuar i dyshuari mashkull kosovar, pasi që gjatë kontrollit në shtëpinë e tij kanë gjete dhe sekuestruar 14 fishekë, një peshore, 1 gram substanca të dyshuara narkotike të llojit marihuanë, 6 tableta të dyshuara ekstazi, dy telefon celularë dhe 14 riga, dëshmi të tjera dhe pajisje për prodhimin e kriptovalutave të cilat pajisje i janë dorëzuar doganës. I dyshuari pas intervistimit me urdhër të prokurorit është liruar në procedur të rregullt”, thuhet në raportin e PK-së. /teve1.info/
