Policia e Kosovës ka bërë të ditur se dy persona kanë pësuar lëndime nga të shtënat me armë zjarri që kanë ndodhur në rrugën “Rrustem Hyeni në Prishtinë të martën rreth orës 22:30.
Zëdhënësja e Policisë për rajonin e Prishtinës, Flora Ahmeti ka thënë për teve1.info se të lënduarit janë dërguar për tretman mjekësor.
Ajo ka thënë se policia është në kërkim të personit të dyshuar i cili është identifikuar.
“Sot rreth orës 22:30, kemi pranuar informatën për të shtëna me armë në rrugën “Rrustem Hyseni” në Prishtinë, ku dyshohet të jenë lënduar dy persona të cilët janë dërguar për tretman mjekësor. Aktualisht hetuesit policor janë duke ndërmarr të gjitha masat e nevojshme në lidhje me rastin dhe janë në kërkim të personit të dyshuar i cili tashmë është identifikuar”, ka thënë Ahmeti.
Nga Emergjenca e QKUK-së kanë bërë të ditur se një person është në gjendje të rëndë shëndetësore.
Konfirmohet plagosja në Prishtinë, një person në gjendje të rëndë shëndetësore
