Policia e Kosovës ka kërkuar bashkëpunimin e qytetarëve për identifikimin dhe lokalizimin e një personi të dyshuar për veprën penale “Vrasje në tentativë”, i cili aktualisht ndodhet në arrati.
Sipas njoftimit të Drejtorisë Rajonale të Policisë në Gjakovë, hetuesit policorë të Sektorit të Hetimeve Rajonale, në koordinim dhe me autorizim të Prokurorit të Shtetit, kanë publikuar fotografinë e të dyshuarit, pasi i njëjti nuk i është përgjigjur thirrjeve zyrtare të policisë dhe nuk është gjetur në lokacionet e kontrolluara.
Policia ka bërë të ditur se informacionet nga qytetarët mund të jenë vendimtare për vazhdimin e hetimeve dhe arrestimin e të dyshuarit, ndaj ka apeluar për bashkëpunim të menjëhershëm.
Qytetarët që kanë çfarëdo informate lidhur me identitetin apo vendndodhjen e personit të paraqitur në fotografi, mund të kontaktojnë Policinë e Kosovës përmes numrit emergjent 192, në stacionin më të afërt policor ose përmes adresës elektronike zyrtare: [email protected] /teve1.info/
.
