Policia e Kosovës ka kërkuar ndihmë nga qytetarët për vendndodhjen e personave të dyshuar për “Vrasje e rëndë në tentativë” , e cila ka ndodhur të premten në rrugën “Jeton Dedushaj”, në Pejë.
Sipas njoftimit të policisë të dyshuarit janë Adem (Lulzim) BULLIQI i lindur me 18.10.1998 nё Pejë si dhe Besnik (Lulzim) BULLIQI i lindur me 31.03.1993 nё Pejë.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftimin e policisë./teve1.info/
