Disa të rinj po dyshohen për grabitje dhe vjedhje të rënda.
Andaj, Policia e Kosovës po kërkon ndihmën e qytetarëve për identifikimin e tyre përmes fotografive.
Sipas njoftimit policor, rasti i vjedhjeve ka ndodhur në Prishtinë.
“Njësiti i hetimeve të përgjithshme në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat kërkohen për Grabitje dhe Vjedhje të rënda”, thuhet në njoftimin policor.
Autoritetet thanë se kushdo që ka informacione mbi të dyshuarit të telefonojë në numrin 192.
“Të nderuar, për çdo informatë që mund të çojë në identifikimin e të dyshuarve apo vendndodhjes së tyre, kontaktoni policinë në numrin e telefonit: 192”, njofton Policia./teve1.info/
