Policia e Kosovës me autorizim të prokurorisë, ka publikuar të premten fotografinë e dy personave të cilët po kërkohen si të dyshuar për vjedhje në një dyqan në qendrën tregtare “Prishtina Mall”.
Policia me këtë rast ka kërkuar bashkëpunimin e qytetarëve për identifikimin e personave të shpallur në kërkim.
“Me qëllim të zbatimit efikas të procedurës, në hetimin që po zhvillohet për rastin “Shpërdorimi i pasurisë së huaj” të ndodhur më 13.12.2023, në një dyqan në qendrën tregtare Prishtina Mall, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarve të shpallur në kërkim”, thuhet në njoftim.
“Për informacione ju lutem na kontaktoni direkt në:
E-mail: [email protected]
Facebook: https://www.facebook.com/KosovoPolice/
Android IOS app: Lajmero Policine
Tel: 192
038 606083
045 450364”./teve1.info/
